Müqəddəs Ürək Katolik Universiteti güman edir ki, COVID-19-un aktiv mərhələsindən sonra bir çox insanlarda boğazda ağrı və zökəm kimi bəzi simptomlar davam edir, bu şəxslərin yoluxuculuğu qalır.

Aztibb.az meddaily.ru-ya istinadla xəbər verir ki, ekspertlər 131 pasiyent üzərində müşahidələrə əsasən bu qənaətə gəliblər. İştirakçıların hər biri iki həftəlik özünü təcridetməni dayandıra və həkim qəbuluna gələ bilirdi.

Başqa sözlə, bütün pasiyentlərdə minimum üç gün boyunca yüksək temperatura rast gəlinməyib və ümumi simptomatik mənzərənin yaxşılaşması müşahidə olunub. Ümumilikdə simptomların meydana çıxmasından minimum bir həftə keçməli idi, pasiyentlərdən isə koronavirus testinin iki neqativ nəticəsi tələb olunurdu.

Bütün bu tələblərə riayət etmələrinə baxmayaraq 22 pasiyentdə PSR-test virusun mövcudluğunu yenidən göstərib.

Pasiyentlərin çox hissəsi son testin nəticələrindən asılı olmayaraq gücün itirilməsi, təngnəfəslik, öskürəklə qarşılaşıblar.

Lakin pozitiv testin sahiblərində daha çox iki simptoma rast gəlinib - boğazda (18% 4%-ə qarşı) ağrı və zökəm (27% 2%-ə qarşı).

Mütəxəssislərin fikrincə, karantinin müddətini yenidən gözdən keçirmək lazımdır.