Zərərli vərdişlərin orqanizmə çoxsaylı mənfi təsirləri var.

Aztibb.az spirtli içki, tütün və ya narkotiklərdən istifadə edən hamilələrin körpələrində yaranan fəsadları təqdim edir.

Spirtli içki içən qadınların uşaqları 34,5% hallarda vaxtından əvvəl doğulur, 19% hallarda fiziki cəhətdən zəif olur, 3 % hallarda müxtəlif inkişaf ləngiməsi olur.

İçki içən qadınların yeni doğulmuş uşaqlarında fiziki və zehni inkişafda ümumi ləngimə və beyin formalaşmasının pozulması (beynin ölçüsünün azalması və beynin sulu şişi), nevroloji pozuntular (titrəyən əzalar, qıcolmalar, əzələ tonusunun azalması), zəif əmmə refleksi, anadangəlmə ürək və böyrək qüsurları müşahidı edilir.

İnkişaf ləngiməsi ilə doğulan uşaqlarda qısa və dar göz yarıqları, dar və əyri alın, qalınlaşmış üst dodaq, kiçik alt çənə. psixomotor, xüsusən nitq inkişafında ləngimə, emosional və əqli inkişafda ləngimə qeydə alınır.

Siqaret çəkən qadınların yeni doğulmuş körplərinin çəkisi siqaret çəkməyənlərə nisbətən daha az olur. Vaxtından əvvəl doğuşun baş vermə halları çox olur. Yenidoğulmuşlarda bədxassəli şiş riski yüksək olur.

Narkotiklər arasında kokain embrionda və döldə pozuntuların yaranmasına səbəb olur. Körpənin vaxtından əvvəl doğulması halları baş verir. Uşaqlarda pozulmuş əmmə refleksi, mədə-bağırsaq traktının pozulması, əsəbilik, narahatlıq ilə xarakterizə olunan anadangəlmə narkotik asılılığı da müşahidə olunur.