Endoskopiya həkimə mədə və on iki barmaq bağırsağı tam aydın şəkildə görməyə şərait yaradır. Zondla müayinədə mədə və bağırsaqda polip, hər hansı bir şiş və ya iltihab ocağı aşkar olunarur ki, elə həmin an biopsiya materialı götürmək mümkün olur.

 

Bu barədə Aztibb.az-a Diaqnoz Tibb Mərkəzinin Qastroenterologiya şöbəsinin müdiri Rəfael Həsənov məlumat verib.

 

Həkim qeyd edib ki, polip, xərçəngin erkən mərhələsi, eroziya, atrofiya, xora, kron xəstəliyini erkən mərhələdə aşkara çıxarmaq üçün endoskopiya müayinəsi mütləqdir. İnsanlar zond udmağın yaratdığı narahatlığa dözməyəcəklərini düşünüdükləri üçün endoskopik müayinədən yayınırlar. Bu isə, xəstəliklərin gec aşkar edilməsinə gətirib çıxarır: "Xüsusi anestesik preparatlardan istifadə edilərək xəstə 5-10 dəqiqəlik yatızdırılır. Müayinə zamanı heç bir diskomfort hiss etmirsiniz".