Rusiyanın Krasnoyarsk diyarında doğulmuş, hazırda İsraildə işləyən həkim Boris Bril koronavirus haqqında Rusiya və başqa ölkələrdə inanılan miflərdən danışıb.

Aztibb.az-ın medikforum.ru-ya istinadla məlumatına görə həkim iddia edir ki, koronavirus infeksiyasının sətəlcəmlə heç bir ümumi cəhəti yoxdur.

Onun sözlərinə görə, koronavirus infeksiyası pnevmoniyaya deyil, kəskin respirator distress sindromuna səbəb olur.

Ekspert hesab edir ki, Rusiyada ağ ciyərlərin virusla zədələnməsini pnevmoniyadan ayırmayaraq yanlış diaqnoz qoyurlar və səhv müalicə metodu tətbiq edirlər.

Həkim vurğulayıb ki, virus xəstəlikləri antibiotiklərlə müalicə edilmir, onların profilaktik məqsədlərlə qəbulu heç bir halda qəbul edilmir. Koronavirus zamanı antibiotiklər yalnız ən ağır hallarda təyin edilə bilər: "Süni tənəffüs aparatına qoşulmuş ağır xəstələrin yalnız 6,8%-nə antibiotiklər təyin edilir, çünki bu zaman prosesə bakterial infeksiyalar da qoşulur".

B. Bril, həmçinin qeyd edib ki, koronavirus zamanı Rusiyada təyin edilən Arbidol, qalavit, inqaverin, interferon damcıları, vafarinlər bu xəstəliyi müalicə edən preparatlar deyil və tamamilə faydasızdır. QİÇS-ə qarşı preparatlar, vitaminlər, sink, tamiflyu, hidroksixlorxin, plakvenil, azitromisin də COVID-19-un müalicəsi üsulu deyil".

Ekspert xəstəliyin yüngül formasının müalicəsi üçün bol isti maye qəbulu, parasetamol, aspirin, ibuprofen, sakitlik və tənəffüs gimnastikasını məsləhət görür.