DASH (Dietary Approaches to Stop Hypertension) yüksək təzyiqin qarşısını almaq və ya müalicə etmək üçün nəzərdə tutulmuş sağlam qidalanma planıdır. O, həmçinin ürək xəstəliyi riskini və xolesterolu azaltmağa kömək edir.

DASH yemək planı heç bir xüsusi qida tələb etmir, bunun əvəzinə gündəlik və həftəlik qidalanma məqsədlərini təmin edir.

 

Aztibb.az xəbər verir ki, bu barədə həkim endokrinoloq Fərhad Burzu sosial şəbəkədə məlumat paylaşıb.

 

Həkim qeyd edib ki, DASH pəhrizinin əsas prinsipi duz qəbulunu azaltmaq, şəkər və sadə karbohidratları məhdudlaşdırmaq və onları lif, maqnezium, kalium, kalsiumla zəngin qidalarla əvəz etməkdir.

 

DASH pəhrizində nə yemək lazımdır?

• Çiy və bişmiş tərəvəzlər və göyərtilər;

• Meyvələr;

• Tam taxıllar;

• Quş əti (toyuq, hinduşka və s.);

• Balıq və dəniz məhsulları;

• Az yağlı süd və süd məhsulları;

• Məhdud miqdarda paxlalılar;

• Çərəzlər;

 

DASH pəhrizində minimuma endirilən qidalar 

• Yağlı ətlər;

• Emal edilmiş ət və ət məhsulları;

• Un, düyü, makaron və zərif karbohidratlar;

• Şirniyyatlar və şəkərlə zənginləşdirilmiş içkilər;

• Alkoqol və spirt tərkibli içkilər;

• Fast food və hazır yeməklər;

 

Fərhad Burzunun sözlərinə görə, NIH tərəfindən dəstəklənən DASH pəhrizi “sağlam ürək” və “sağlam qidalanma” reytinqlərində (39 diet növü arasında) birinci yerdədir.