Şəkər əvəzedicilərindən istifadə edirsizsə, bunları bilməlisiniz!
25.11.2023 11:12
Bir çox insan sağlam qidalanma haqda düşünərək rasionda ağ şəkəri, şəkər əvəzedicilərlə əvəz edir və bununla orqanizmə fayda verəcəyindən əmin olur. Çünki şəkər əvəzedicilər kaloriyasızdır, dadları isə şəkərdən fərqlənmir. Ancaq bunun nə qədər düzgün olması və orqanizmə zərəri haqda bilmirlər. Kimyəvi şəkər əvəzedicilər şirin, ancaq qlükozasız (karbohidratsız) olan maddələrdir. Əslində aldadıcı effektə malikdirlər. Bu təsirin nəticəsində metabolizma pozulur və yemək istəyi daha da artır.
 
Aztibb.az xəbər verir ki, bu barədə endokrinoloq Fərhad Burzu bildirib.
 
Onun sözlərinə görə, ən çox istifadə edilən şəkər əvəzedici Aspartam (E951) adi ağ şəkərdən 200 dəfə şirindir, tərkibi isə fenilalanin və asparaqin turşusudur. Bu maddənin əsas təhlükəsi 30 dərəcə qızdırıldıqda tərkibi fenilalanin və metanola çevrilməsidir. Metanol isə sonra ən təhlükəli kanseroqen formaldehidə çevrilir. İlk növbədə böyrəklər zədələnir, bədəndə şişkinliklər əmələ gəlir.
 
"Bu maddədən başqa ksilit, maltodekstrin, saxarin, sukraloza, siklamat və s. şəkər əvəzediciləri də mövcuddur. Bütün bu şəkər əvəzedicilərin insan orqanizminə çox zərərləri var. Şəkər əvəzedicilər çox gəlirli olduqları üçün bir çox əczaçılıq məhsullarında, qənnadı məmulatlarında istifadə edilir.
 
Bu səbəbdən yalnız bitki tərkibli şəkər əvəzedicilərdən istifadə etmək sağlamlıq üçün zərərsizdir", - deyə Fərhad Burzu əlavə edib.
Səadət Məmmədova
Müəllifin digər yazıları
ÇOX OXUNANLAR