“Medinex” və “Beauty Azerbaijan” sərgilərinin rəsmi açılış mərasimində Milli Məclisin Səhiyyə komitəsinin sədri, akademik Əhliman Əmiraslanov öz çıxışında belə sərgilərin imkanlarının sonsuz olduğunu qeyd edib.

Aztibb.az xəbər verir ki, akademik Əhliman Əmiraslanovun sözlərinə görə, bu layihə tibb sahəsinin həm təcrübəli, həm də gənc mütəxəssisləri, ixtisaslaşdırılmış təhsil müəssisələrinin rezidentləri və tələbələri üçün çox vacibdir.

"Əlbəttə ki, sərgi çərçivəsində keçirilməsi nəzərdə tutulan praktiki və elmi tədbirlər gənc mütəxəssislərin inkişafı və yeni biliklərə yiyələnməsində mühüm rol oynaya bilər. Mən sərgidə yerli tibbin inkişafının mühüm tərkib hissəsi olan müasir informasiya texnologiyaları və tibbi proqramların nümayişini xüsusi olaraq vurğulamaq istərdim”, - deyə alim vurğulayıb.