Naxçıvan Muxtar Respublikası Səhiyyə Nazirliyi Liv Bona Dea Hospitalının Naxçıvanda üçüncü humanitar aksiyasını keçirib.

Bu məlumat Aztibb.az-a Naxçıvan Muxtar Respublikası Səhiyyə Nazirliyindən verilib.

Bildirilib ki, nazirliyin və Bakı şəhərində fəaliyyət göstərən Liv Bona Dea Hospitalın birgə təşkilatçılığı ilə hospitalın mütəxəssis həkimləri Naxçıvan Sağlamlıq Mərkəzində ödənişsiz tibbi aksiya keçirib. Artıq ənənə halını alan humanitar aksiyalardan - bu xeyirxah, nəcib işdən muxtar respublikamızda yararlananların məmnuniyyəti aksiyaların əhəmiyyətini daha da artırır.

Ulu Öndərin yüz illik yubileyi və Vətən müharibəsində qazanılan qələbənin üç illiyi ərəfəsində keçirilən humanitar tibbi aksiyada əhalinin sağlamlığının qorunmasında xidməti olan həkimlərimiz onlara göstərilən inamı doğrulduraraq 100 xəstənin müayinəsini həyata keçirdilər.