Koronavirusa geyim və qida ilə yoluxma ehtimalı çox azdır.

Aztibb.az "RİA Novosti"yə istinadən xəbər verir ki, bunu Seçenov Universitetinin Tibbi Parazitologiya, Tropik və Vektorlu Xəstəliklər İnstitutunun direktoru Aleksandr Lukaşev deyib.

O, bildirib ki, COVID-19-a yoluxmaq üçün müəyyən dozada virusun bədənə daxil olması şərtdir:

“Paltarlara, mağazadakı ərzaq məhsullarına, saçlara düşən hər hansı bir virus istənilən halda yüksək dərəcədə seyrələcək, qatılığı yüz dəfələrlə azalacaq. Beləliklə, belə bir infeksiya ehtimalının son dərəcə az olduğuna görə gündəlik həyatda bu nəzərə alınmamaldır”, - deyə, viroloq izah edib.

Bundan əvvəl Avstraliya Xəstəliklərinə Hazırlıq Mərkəzi müxtəlif səthlərdə koronavirusun ömrünü hesablamışdı. Şüşələrdə, əskinaslarda, paslanmayan poladdan hazırlanmış əşyalarda virusun  bir aya qədər aktiv qala biləcəyi qeyd edilmişdi.

Alimlərin fikrincə, ən böyük təhlükə insanların nizamsız şəkildə dezinfeksiya etdiyi smartfon ekranlarıdır.

Xatırladaq ki, sentyabr ayının sonunda Çin gömrük orqanları Rusiyadan idxal olunan məhsulların nümunələrində və xarici ambalajlarında koronavirus hissəcikləri aşkar etmişdilər.