Aparılan tədqiqatlar insanların danışaraq yeni növ koronavirusun (COVID-19) yayılmasına kömək etdiyini ortaya qoyur.

Aztibb.az medimagazin.com.tr-yə istinadla xəbər verir ki, mütəxəssislər SARS-CoV-2-nin asimptomatik daşıyıcıları tərəfindən çıxarılan nitq damcılarının xəstəliyin ötürülməsində rolu olduğunu iddia edirlər.

"Həssas lazer işığı müşahidələrinə əsaslanaraq deyə bilərik ki, yüksək səslə danışmaq ağızdan saniyədə minlərlə maye damcısının xaric olunmasına gətirib çıxarır."

Alimlər qeyd edir ki, koronavirus kimi tənəffüs yolu infeksiyalarının öskürək və ya asqırma nəticəsində yaranan damcı yolu ilə yoluxma potensialının uzun zamandır məlum olmasına baxmayaraq, normal danışıq zamanı ağız boşluğundan minlərlə damcının xaric olunduğuna daha az diqqət yetirilir.