Tərləmək insan bədəninin təbii yollarla sərinləməsidir. Tərləmə ən çox isti havalarda müşahidə edilir. Ancaq tərləmənin hansı vaxtda baş verməsi çox önəmlidir.

Bəzi insanlarda gecə yatarkən tərləmələr baş verir. Bu cür tərləmə bəzən təhlükəli siqnal rolunu oynaya bilər. Gecə tərləmələrinin səbəbini araşdırmaq üçün mütləq həkim müayinəsinə getmək lazmdır. Çünki əksər vaxt gecə tərləmələri müxtəlif xəstəliklərin əlaməti ola bilir.

Belə ki, bədən tempraturunun yüksəlməsi insanların gecələr tərləməsinə səbəb ola bilir. Bu isə müxtəlif infeksiya xəstəlikləri zamanı meydana çıxır.

Qadınlarda gecə tərləmələrinin baş vermə səbəblərindən biri hormonal pozğunluqlardır. Ən çox menopauza dövründə qadınlarda gecə tərləmələri baş verir.

Kişilərdə gecə tərləmələri testosteronun çatışmazlığı səbəbindən baş verir. Buna səbəb isə androgenlərin miqdarının aşağı düşməsidir.

Bəzi dərmanları qəbul etmək də gecə tərləmələrinə səbəb olur. Bu dərmanlara antipretiklər və qızdırmasalıcı dərmanlar aiddir. Həmçinin gecə tərləmələri vərəm və ya AİDS xəstəlikləri səbəbindən baş verə bilir.

Gecələr tərləyən adamlara stress və gərginlikdən uzaq durmaq tövsiyə edilir.

Ada çayı və qatırquyruğu dəmləmələri gecə tərləmələrinin qarşısının alınmasına yardım edir. Bu bitki dəmləmələri insanın stressini aradan qaldırır və sinir sistemini sakitləşdirməklə tərləmənin qarşısını alır.