Bir çox viruslar mədəaltı vəzini o dərəcədə zədələyir ki, xəstədə virus infeksiyasından sonra gözlənilmədən I dərəcəli diabet formalaşa bilər. COVID-19 da belə bir təsir mexanizminə malikdir.

Bu elmi açıqlama Cell Medicine dərgisində dərc olunub.

Aztibb.az xəbər verir ki, alimlər koronavirusun mədəaltı vəzinin işinə təsirini araşdırırlar.

Bildirilir ki, viruslar həssas orqan olan mədəaltı vəzin hüceyrələrinə nüfuz edərək, insulin hasil edən adacıqları zədələyir. Entevirusların pankreatit, perikardit yaranması çoxdan məlumdur. Eləcə də koksaki, poliovirus, exoviruslar I tip diabetə səbəb ola bilir.

Alimlər hesab edir ki, mədəaltı vəzidə bəzi reseptorlar var ki, SARS Cov virusu ilə bağlana bilir. Əgər koksaki mədəaltı vəzini zədələyirsə, deməli, yeni koronavirusda da bu hal gözləniləndir.

Artıq koronavirus xəstələrindən bir neçəsində I tip diabet əmələ gəlməsi barədə az da olsa faktlar var.

Koronavirus insulin hasilatına ciddi zərbə vura bilər. Ona görə bu xəstələr sağaldıqdan sonra mütləq şəkəri və mədəaltı vəzini müayinə etdirməlidir.