Hazırda bizim COVID-19 xəstələri üçün çarpayı fondu baxımından heç bir problemimiz yoxdur.

Aztibb.az-ın məlumatına görə, bunu TƏBİB-in şöbə müdiri Yaqut Qarayeva deyib.

Onun sözlərinə görə, stasionar müalicə alan xəstəyə hər bir həkim qulluq edə bilər.

“Amma reanimasiyaya düşən xəstəyə yalnız mütəxəssis - həkim-reanimatoloq baxa bilər. Qeyri-ixtisas həkimlərini qısa müddətdə öyrədib onu süni tənəffüs aparatının başına qoymaq mümkün deyil. Bu, illərlə qazanılan bir təcrübədir. Ona görə də bunları nəzərə almaq lazımdır”.