Rusiyanın İstehlakçı Hüquqlarının Müdafiəsi və İnsan Rifahına Nəzarət üzrə Federal Xidməti qripə yoluxma zamanı hansı vasitələrdən istifadə olunmasına diqqət çəkib.

Məlumdur ki, qripi uşaqlar və 60 yaşından yuxarı yaşlı insanlar daha ağır formada keçirirlər. Risk qrupuna, həmçinin ağ ciyərlərin xroniki xəstəlikləri, ürək-damar sistemi (anadangəlmə ürək qüsurları, ürəyin işemik xəstəliyi, ürək çatışmazlığı), qaraciyər (sirroz), böyrəklərlə bağlı xəstəlikləri, immün defisit vəziyyətdə olan insanlar daxildir. Qrip hamilə qadınlar üçün də olduqca təhlükəlidir.

Aztibb.az-ın meddaily.ru-ya istinadən məlumatına görə, həkimlər xəbərdarlıq edirlər ki, qripə yoluxma zamanı ilk günlərdə antibiotiklər qəbul etmək olmaz. Bu preparatlar bədəndə faydalı bakteriyaları məhv edərək immun müdafiəsini zəiflədir və virusu müalicə etmir.

Antibiotiklərin təyinatı yalnız bakterial infeksiyanın birləşməsindən yaranmış ağırlaşmaların inkişafı zamanı mümkündür.