Barret qida borusu - qastroezofageal və ya duodenoqastroezofageal reflyuks xəstəliyinin, qida borusunun aşağı hissəsinin selikli qişasının, yastı hüceyrəli epitelisinin slindrik epitellə əvəz olunması nəticəsində əmələ gələn ağırlaşması hesab olunan qazanılmış xəstəlikdir.

 

Diaqnoz Tibb Mərkəzinin Qastroenterologiya şöbəsinin müdiri, tanınmış qastroenteroloq Rəfael Həsənov Aztibb.az-a bildirib ki, xəstəliyin əmələ gəlməsində qida borusunu reflyuks xəstəliyinin, qida borusu dəliyinin yırtığı xəstəliyinin rolu böyükdür. Uzun müddət qida borusunun reflyuks xəstəliyi zamanı mədə möhtəviyyatının aqressiv öd turşuları, pankreatik fermentlərin təsirindən qida borusu zədələnir və normal epiteli slindrik epitellə əvəzlənir. Sonralar slindrik epitelin displaziyası başlayır və neoplastik proqressiya əmələ gəlir.