Qədim torpağımız yalnız zəngin milli mədəniyyəti, mətbəxi, mənəvi dəyərləri ilə deyil, həm də minilliklərdən gələn xalq təbabəti ilə də məşhurdur. Ulu babalarımız, əcdadlarımız gündəlik müşahidələri və təcrübələri sayəsində zəngin təbiətimizdə mövcud olan dərman bitkilərindən istifadə edib, onların faydalı xüsusiyyətlərini gələcək nəsillərə də ötürüblər.

Öd kisəsi ağrısı: qarında küt ağrı, ürəkbulanma halında yarım limonun suyunu sıxıb, ona yarım çay qaşığı çay sodası qatıb, qəbul etmək ağrıları səngidir.

Allergiya zamanı: bir qaşıq quru yovşan axşamdan soyuq suda isladılır. Səhər süzülür, gündə 3 dəfə yeməkdən öncə 1 xörək qaşığı suya bir az bal qatılaraq udulur.

Mədə ağrıları zamanı: reyhan, çobanyastığı və nanəni 500 ml suda dəmləyib, gündə 3 dəfə yeməkdən sonra bir kiçik fincan qəbul etmək yaxşı effekt verir.

Bronxitdə: 2 dəfnə yarpağını 100 ml suda buxarlanana kimi qaynadırsınız. Qalan mayeni gündə 3 dəfə 1 xörək qaşığı qəbul edirsiniz.

Varikoza qarşı: yaşıl qozları şüşə bankaya yığıb, üzərinə təmiz zeytun yağı töküb, 40 gün günəş altında saxlamaq, daha sonra bu yağdan hər gün ayaqlara çəkmək xeyirlidir.

Barmaqlarda göbələk zamanı: nanə yarpaqlarını əzib duzla qarışdırıb, barmaqların arasına sürtmək göbələyi azaldır.