Koronavirusun Pirola adlı yeni variantı bəzi xəstələrdə əl və ayaq barmaqlarında qızartı və həmin nahiyələrdə ağrı kimi qeyri-adi simptomlara səbəb olur.
Aztibb.az "Chronicle Live" nəşrinə istinadən xəbər verir ki, bu məlumatı “ZOE Health Study” tibbi araşdırma şirkəti açıqlayıb.
Yeni COVID-19 variantının ən ümumi simptomları burun axması, tıxanıqlıq, baş ağrısı, boğaz ağrısı, yorğunluq və asqırma olaraq qalır.
Bununla belə, həkimlərdən alınan məlumatlara görə, xəstəliyin qeyri-adi təzahürləri, məsələn, dəri səpgiləri, dildə və ya dodaqların daxili səthində xoralar, həmçinin əl və ayaq barmaqlarında qızartı və ağrılar müşahidə edilir.
Bundan əlavə, Pirola ilə yoluxduqda xəstələr diareya ilə qarşılaşa bilərlər. Xəstəliyin digər qeyri-səciyyəvi simptomları arasında səsin xırıltısı, qızartı və göz qaşınması daxildir.