15-20 il əvvələ qədər aort qapaq daralması olan yaşlı xəstələr əməliyyat ola bilmədikləri üçün ürək çatışmazlığı səbəbindən həyatlarını itirirdilər. Lakin artıq TAVİ metodu ilə aort qapağını əməliyyatsız dəyişdirmək mümkündür.
Liv Bona Dea Hospitalının həkimi, tanınmış ürək-damar cərrahiyyə uzmanı Cabir Gülmalıyev Aztibb.az-a bildirib ki, cərrahi riski yüksək olan xəstələrdə aparılan angioqrafik aorta qapağının dəyişdirilməsinə TAVI deyilir.
Uzman həkim TAVİ əməliyyatının kimlər üçün edildiyini açıqlayıb:
75 yaşdan yuxarı xəstələr;
Fiziki cəhətdən zəif xəstələr;
Daha əvvəl ürək əməliyyatı keçirmiş xəstələr;
Ürək çatışmazlığı olan xəstələr;
Böyrək çatışmazlığı olan xəstələr;
İnsult keçirmiş xəstələr;
Şiddətli ağciyər çatışmazlığı olan XOAX xəstələri;
Qaraciyər çatışmazlığı olan xəstələr;
Boyun və döş nahiyəsinə radioterapiya alan xəstələr;
Bədən müqavimətini pozan xroniki xəstəlikləri olanlar.
