ABŞ-ın Georgia Universiteti Stomatologiya və Tibb fakültələrinin tədqiqatçıları, kannabidiolun (CBD) kəskin tənəffüs çətinliyi sindromunda oksigen səviyyəsinin yaxşılaşdırılması, iltihabın və fiziki ağciyər zədələnməsinin azaldılmasında olduqca effektiv olduğunu aşkar ediblər.
Aztibb. az medimagazin.com.tr-yə istinadla xəbər verir ki, son tədqiqatlara görə, CBD iltihabı azaltdığı hesab olunan apelin adlı təbii peptid səviyyəsini artırır. Kəskin tənəffüs çətinliyi sindromu zamanı qanda peptid səviyyəsi sıfıra enməsinə baxmayaraq CBD ilə 20 dəfə artıb.
Əvvəlki tədqiqatlar da apelin səviyyələrinin dünya miqyasında 1 milyon insanın ölümünə səbəb olan viral infeksiyalar zamanı azaldığını və CBD-nin bu səviyyələri ağciyərdən istifadə edərək normallaşmasına kömək etdiyini göstərir.
Bundan əlavə, CBD terapiyası ağciyər iltihabını azaltmaqla yanaşı, ağciyər funksiyasını da yaxşılaşdırır.
SARS-CoV-2 və ya CBD-nin apelinə birbaşa təsiri barədə hələ dəqiq məlumat olmasa da, tədqiqatçılar CBD-nin COVID-19 zamanı potensial bir müalicə metodu kimi istifadə olunması üçün daha çox araşdırmaya ehtiyac olduğunu bildiriblər.
