Bizə müraciət edən xəstələrin bir çoxunda el arasında Qızılgül xəstəliyi, tibb elmində isə adı Rozacea olan dəri xəstəliyi aşkar olunur.

Aztibb.az xəbər verir ki, Nərimanov Tibb Mərkəzinin tabeliyində fəaliyyət göstərən 1 saylı Poliklinika şobəsinin həkim dermatoverenoloqu Jalə Qədimova bildirib ki, qızılgül xəstəliyi hər yüz insandan üçündə rast gəlinən dəri xəstəliyidi. Xəstələrin əsas şikayəti üzün yanması, qızarması, sancma, quruluq kimi əlamətlərin olmasıdır.

Onun sözlərinə görə, dəqiq səbəbi bilinməsə də genetik faktorlar, dəri baryerinin pozulması, üzdə yaşayan gənələr xəstəliyin əmələ gəlməsinə səbəb olur. Xəstəliyin müalicəsində kremlər, müxtəlif lazer üsulları və antibakterial preparatlar istifadə olunur: "Əsas pasigentlərə isti məkanlardan, günəş şüalarından qorunmaq, nəmləndirici və gündən qoruyucu kremlərdən istifadə etmək, spirtli içkilər qəbul etməmək,sağlıqlı qidalanmaq tövsiyyə olunur".