TƏBİB aparıcı məsləhətçi vəzifəsi üzrə vakansiya elan edir

30.09.2023 10:27

Tibbi Ərazi Bölmələrini İdarəetmə Birliyinin (TƏBİB) Tibbi təhsil və innovasiyalar departamentinin Davamlı tibbi təhsil şöbəsinə aparıcı məsləhətçi vəzifəsi üzrə vakansiya elan edilir.

Aztibb.az TƏBİB-ə istinadla xəbər verir ki, namizədin görəcəyi işlər aşağıdakılardır:

Tədris-metodiki və hüquqi sənədlərin hazırlanması;
Tibb müəssisələrində çalışan əməkdaşlarla əlaqə saxlanılması, onların təlim vasitələrinin işlənib hazırlanması üzrə cəlb edilməsi, hazırlanmış təlim vasitələrinin müzakirəsinin, rəy verilməsinin və çapa hazırlanmasının təşkil edilməsi, qabaqcıl təcrübənin öyrənilməsi;
Təlimlərin keyfiyyətinin müntəzəm olaraq yoxlanılması, təhlil edilməsi və keyfiyyətin yaxşılaşdırılması üçün təkliflərin hazırlanması;
Şöbənin icraatında olan məktubların cavablandırılması;
Təlim mərkəzlərinin təchizat bazasının siyahısının formalaşdırılması;
Davamlı tibbi təhsil tədbirlərinin keçirilməsi üçün sənədlərin hazırlanması;
Davamlı tibbi təhsil tədbirlərinin təşkili proseslərinin hesabatlılığına nəzarət edilməsi;
Yerli, beynəlxalq qurum və təşkilatlarla görüşlərin təşkili;
Mütəmadi təşkil edilən iclas və tədbirlərin hesabatlılığının təmin edilməsi, protokolların hazırlanması;
Keçirilmiş tədbirlərin KİV vasitəsilə işıqlandırılmasında texniki dəstəyin göstərilməsi

TƏBİB üçün uyğun namizəd:

Ali tibbi təhsil
Sahə üzrə minimum 2 il iş təcrübəsi
Kompüter bilikləri: Microsoft Office – sərbəst
Dil bilikləri: İngilis dili və rus dili – sərbəst
Dürüstlük
Məsuliyyətlilik
İntizamlılıq
Yüksək kommunikasiya bacarığı

Əlavə məlumatlar:

İş qrafiki: Bazar ertəsi – Cümə, 5 günlük iş həftəsi;
İş vaxtı: 09:00 – 18:00

Müraciət qaydası

Göstərilən tələblərə cavab verən namizədlərdən CV-lərini mövzu yerinə “Davamlı tibbi təhsil şöbəsi-aparıcı məsləhətçi” yazaraq göndərmələri xahiş olunur.

Müraciətlər nəzərdən keçirilərək, yalnız tələblərə cavab verən namizədlərlə əlaqə saxlanılacaqdır.

Qeyd: “Tibbi Ərazi Bölmələrini İdarəetmə Birliyi” publik hüquqi şəxsi (TƏBİB) təhlükəsizlik səbəbindən bu domenlərdən məktub qəbul etmir: yandex.ru, mail.ru, list.ru, inbox.ru, bk.ru, yahoo.com. Xahiş edirik ki, müraciətinizi başqa domenli elektron poçt ünvanlarından göndərəsini