Liv Bona Dea Hospitalının həkimi, tanınmış ürək-damar cərrahiyyə uzmanı Cabir Gülmalıyev Aztibb.az-a bildirib ki,  bu əməliyyat yaşlı xəstələrə, ağciyər funksiyası ciddi şəkildə pozulmuş, böyrək funksiyası pozulmuş xəstələrə, infarkt nəticəsində ürək fəaliyyəti zəif olan xəstələrə, insult keçirmə riski olan xəstələrə aparılır.

 

Həkimin sözlərinə görə, ürək xüsusi cihazlarla işləməyə davam edərkən, tıxanmış damar nahiyəsi hərəkətsizləşdirilir və daha əvvəl ayaq, döş və ya qol venasından hazırlanmış yeni vena ilə by-pass edilir.

 

Cabir Gülmalıyev qeyd edib ki, bu əməliyyatların ən üstün cəhətləri xəstənin xəstəxanada qalma müddətinin və qan itkisinin az olmasıdır.