Qax Rayon Mərkəzi Xəstəxanası ilə Referans Klinik Laboratoriya Mərkəzinin birgə bağlanmış müqaviləsinə əsasən xəstəxanada ixtisaslaşmış laboratoriya fəaliyyət göstərir.

 

Aztibb.az-a Rayon Mərkəzi Xəstəxanasından bildirilib ki, Referans Klinik Laboratoriya Mərkəzi 2016-cı ildən etibarən laborator xidmətlər, 2018-ci ildən isə poliklinik xidmətlər üzrə fəaliyyət göstərir.

 

İxtisaslaşmış laboratoriyada Hepatit A,B,C, qanın ümumi analizi, koaquloqramma, sidiyin və nəcisin ümumi analizi, biokimyəvi analizlər, eləcə də Tropanin-İ və siflis müayinələr aparılır. Yaxın zaman ərzində hormon müayinələrinin tətbiqi də baş tutacaq.

 

Vətəndaşlar xəstəxanaya gəlmədən “E-TƏBİB” mobil tətbiqi vasitəsilə analiz nəticələrinə tez və rahat şəkildə baxa bilərlər.

 

Qax Rayon Mərkəzi Xəstəxanasında laborator müayinələrin aparılmasında təcrübəli laborant-həkimlərimiz fəaliyyət göstərir.