Sentyabrın 23-ü saat 10:00-dan 16:00-dək "Dəniz Mall”da bu ticarət mərkəzinin dəstəyi, "Azərbaycan Qan Donorluğunun İnkişafı Mərkəzi”nin təşkilatçılığı, həmçinin Mərkəzi Qan Bankının tərəfdaşlığı ilə Ümümmilli Lider Heydər Əliyevin 100 illiyinə həsr olunmuş “Sağlam olaq, donor olaq!” şüarı altında qanvermə aksiyası təşkil olunacaq. 

Bu barədə Aztibb.az-a "Azərbaycan Qan Donorluğunun İnkişafı Mərkəzi”ndən bildirilib.

Aksiya ölkə Prezidenti İlham Əliyevin təsdiq etdiyi "Hemofiliya və talassemiyadan əziyyət çəkən uşaqlara qayğı" Dövlət Proqramına uyğun, eləcə də Heydər Əliyev Fondunun "Talassemiyasız həyat naminə" proqramı çərçivəsində keçiriləcək.

Toplanılan qan ehtiyatı yoxlanılaraq talassemiya, hemofiliya, eləcə də leykoz (Qan xərçəngi) xəstəliyindən əziyyət çəkən şəxslər üçün istifadə olunacaq.