23 sentyabr 2023-cü il tarixində Dövlət Gömrük Komitəsinin Tibbi Xidmət İdarəsinin Elmi-Təcrübi və Tədris Mərkəzinin, Mərkəzi Gömrük Hospitalının və “Dayaq ZN” Patronaj Xidmətinin birgə təşkilatçılığı ilə Beynəlxalq Altsheymer Xəstəliyi barədə Məlumatlandırma Gününə həsr edilmiş “Demensiyaların müasir psixososial xüsusiyyətləri” mövzusunda elmi konfrans keçiriləcək.
Bu barədə Aztibb.az-a Mərkəzi Gömrük Hospitalından xəbər verilib.
Konfransda yüksəkixtisaslı mütəxəssislər tərəfindən mövzu ilə əlaqəli təqdimatlar ediləcək və auditoriyanı maraqlandıran suallar cavablandırılacaq.
Proqrama uyğun olaraq konfrans psixiatr, nevropatoloq, dietoloq və psixoloq ixtisasına malik həkimlər və rezidentlər üçün nəzərdə tutulub.
Hər kəs üçün əlçatanlığı təmin etmək məqsədilə tədbir hibrid formatda həyata keçiriləcək. Əyani şəkildə Mərkəzi Gömrük Hospitalının akt zalında, distant olaraq isə "ZOOM" platforması üzərindən keçiriləcək.
Elmi konfrans Azərbaycan Respublikası Səhiyyə Nazirliyinin "Davamlı Tibbi Təhsil üzrə elm və tədris tədbirlərinin akkreditasiya Qaydaları" əsasında akkreditasiya olunaraq 6 DTT balı ilə qiymətləndirilib.
Tədbirdə iştirak ödənişsizdir!
Yerlər məhdud olduğu üçün qeydiyyatdan keçmək MÜTLƏQDİR!
Proqramla tanış olmaq üçün link: https://customshospital.az/mt-https://aztibb.az/az/content/uploads/2023/09/proqram23.pdf
Qeydiyyat linki: https://forms.gle/WQqFSLddKYGnSvSz6
