17 sentyabr bütün dünyada Ümumdünya Pasiyent Təhlükəsizliyi Günü kimi qeyd olunur.

Aztibb.az xəbər verir ki, həmin gün 2019-cu ildə Ümumdünya Səhiyyə Assambleyasının 72-ci sessiyasında təsis olunub.

Hər il tibbi yardım göstərilməsi zamanı təhlükəsizlik qaydalarına əməl olunmadığına görə, dünyada milyonlarla pasiyent zərər görür. Aşağı-orta gəlir səviyyəsi olan ölkələrdə isə 2,6 milyon insan həlak olur. Dünya miqyasında pasiyentlərə vurulan zərərin sosial və iqtisadi fəsadları bir neçə trilyon dollarla ölçülür.