ABŞ həkimləri COVID-19-un ağır forması olan 800 pasiyenti xəstəxanada müşahidə ediblər.

Aztibb.az tass.ru-ya istinadla xəbər verir ki, koronavirus xəstəliyinin gedişatı zamanı "yuxu hormonu" adlandırılan melatonin hormonunun müsbət təsiri aşkarlanıb. Bu hormonun yeridildiyi və ya öncədən melatonin səviyyəsi yüksək olan pasiyentlər arasında reanimasiyada sağ qalma hallarına daha çox rast gəlinib.

"Biz müxtəlif hormonlar və onlara oxşar maddələrin ağ ciyərlərin süni ventilyasiyası lazım olan pasiyentlərin sağlamlığına təsirini öyrəndik. Melatonin belə pasiyentlərin sağalma şansını əhəmiyyətli dərəcədə yüksəltdi. Bu hormonun müsbət təsiri COVID-19 daşıyıcıları ilə yanaşı, ağ ciyərlərində digər xəstəliklər olan insanlar üçün də xarakterikdir", - deyə tədqiqatçılar bildirib.