"Əhval-ruhiyyəni müsbət saxlamaq üçün daha çox şirniyyat - dondurma, konfet, şokolad istifadə edilir. Mövsümi meyvə-tərəvəzlə yanaşı şirniyyat da yeyilərsə, o zaman meyvə-tərəvəzin də xeyrini görə bilmərik".

Bunu Aztibb.az-a açıqlamasında həkim-pediatr Aytən İsmayılzadə deyib.

O qeyd edib ki, bunun səbəbi şəkərin immuniteti zəiflətməsidir: 

"Şəkər C vitamini ilə oxşardır. Şəkər C vitaminindən öncə limfositlərin - immun hüceyrələrin tərkibinə daxil olur. Bu zaman vitamin C-yə yer qalmır. Buna görə də meyvə-tərəvəzdan aldığımız vitamin C qanda, bədəndə dolaşır və böyrəkdən xaric olur, biz onun faydasını görmürük. Beləliklə, bədəndə immunitet zəifləyir".

"1 qaşıq şəkər immunitetimizi 4-5 saatlığa 40% zəiflədir. Bunu nəzərə alaraq, uşaqların qida rasionunda şəkəri minimuma endirmək, şəkərli qidalar verməmək, çörək, makaron kimi karbohidratlı qidaları da azaltmaq lazımdır. Mövsümi, təzə meyvə-tərəvəzə üstünlük verilməlidir", - deyə, həkim bildirib.