Hərəkətsiz həyat tərzinin zərərli olduğuna inanılır. Lakin Kolorado Universitetinin mütəxəssisləri araşdırma nəticəsində bunun fərqli olduğu qənaətinə gəliblər.

Aztibb.az Meddaily.ru-ya istinadən xəbər verir ki, alimlər 60-80 yaş arası 228 sağlam insanın fiziki fəaliyyət və idrak funksiyaları arasındakı əlaqəni xüsusi olaraq təhlil ediblər.

Tədqiqatda iştirak edən insanlara yeddi gün boyunca hərəkət sensorları taxılıb. Bu müddət ərzində sensorlar könüllülərin oturma və ya aktivlik vaxtlarını qeyd edib.

Toplanmış və analiz edilmiş məlumatlar gözlənildiyi kimi, gün ərzində daha hərəkətli fəaliyyət göstərənlərin yüksək işləmə sürəti, güclü yaddaş və düşünmə qabiliyyətinə sahib olduğunu göstərib.

Məlumatlar çox bir yerdə oturaq vaxt keçirən yaşlıların söz və düşünmə tapşırıqlarını daha yaxşı yerinə yetirdiyini göstərib.