Masallı rayonu Qızılavar kənd sakini, 1971-ci il təvəllüdlü Suğra Şərifova sağ və sol qoltuqaltı nahiyyədə və süd vəzisində ağrı şikayətləri ilə TƏBİB-in tabeliyində olan Akademik M.Ə.Mirqasımov adına Respublika Klinik Xəstəxanasının Poliklinika şöbəsinin həkim-onkoloqu Aytac Məmmədovaya müraciət edib. Müayinələrdən keçən pasiyentdə sağ qoltuqaltı nahiyədə max. 14x6mm, 13x5mm, sol qoltuqaltı nahiyədə max. 16x5mm ölçülü korteksləri qalınlaşmış, lipomatoz hilusa malik böyümüş, dəyişilməmiş limfa düyünləri qeyd olunub, buna əsasən ona kəskin limfadenit diaqnozu qoyulub.

 

Respublika Klinik Xəstəxanasından Aztibb.az-a verilən məlumata görə, onkoloq Aytac Məmmədova tərəfindən antibakterial, iltihab əleyhinə müalicəsi aparılan xəstədə 2 ay sonra USM-də heç bir patologiya aşkar edilməyib.

 

Pasiyent ona göstərilən diqqətə və qayğıya görə Respublika Klinik Xəstəxanasının direktoru Elviz Qasımova və Poliklinika şöbəsinin həkim-onkoloqu Aytac Məmmədovaya minnətdarlığını bildirib.