Yenidoğulmuşlarda sarılıq yuxululuğun artması, nəcisin və sidiyin rənginin dəyişməsi, körpələrdə əmmədə çətinlik kimi simptomlarla özünü göstərə bilər. Sarılıq başdan başlayır və bütün bədənə yayılır. Artan sarılıqda əl və ayaq kimi orqanlar sarıya çevrilir.

 

Bu barədə Aztibb.az-a Xətai Tibb Mərkəzinin uzman terapevti Çinarə Səfərova məlumat verib.

 

Onun sözlərinə görə, körpələrdə gec başlayan sarılıq növü müşahidə edilirsə, bu, adətən ana südü sarılığından qaynaqlanır. Bu növ sarılıq təxminən 2-3 ay davam edə bilər. Qanda bilirubinin səviyyəsi təhlükəli həddə çatmadığı müddətcə, ana südü kəsilmir. Yüksək bilirubin müalicə olunmazsa, bu, qalıcı beyin zədələnməsinə səbəb ola bilər.