Tərkibi bir çox vitaminlərlə zəngin olan şirin balqabaq kalsium, fosfor, dəmir, maqnezium, natrium, kalium kimi minerallarla zəngin olan bir tərəvəzdir. 

Balqabaq tumları qəbizliyə yaxşı təsir etməklə yanaşı, iltihablar, sidik tutulması zamanı çox faydalıdır. Bundan əlavə, mədə bulantısını aradan qaldırır, mədə qurdlarını tökməyə təsir göstərir.

Hissiyyat, sonsuzluq və ya hormonal balanssızlıq problemi olan insanlar üçün də balqabaq tumu faydalıdır. Elmi cəhətdən sübuta yetirilib ki, balqabaq tumu oynaqların iltihabı xəstəliyinin müalicəsində müsbət nəticələrə gətirib çıxarır.

Balqabağın 90 faizini su təşkil edir və kalorisi az olan məhsul hesab olunur. Yüz qram məhsulun tərkibində 25 kalori var. Xiyar və qovuna yaxın olan balqabağı bu baxımdan alimlər "dünyanın ən böyük giləmeyvəsi” hesab edirlər.

 
Balqabaq tumu ölçüsü böyümüş prostat vəzinin ölçülərini normallaşdırmaq qabiliyyətinə malikdir. Buna nail olmaq üçün gün ərzində ən az 1 xörək qaşığı duzsuz balqabaq tumu yemək lazımdır.

Balqabaq tumlarından hazırlanmış dəmləmə prostat vəzi iltihabını aradan qaldıra bilir. Bunun üçün aşağıdakı sousu hazırlayıb qəbul etmək lazımdır.

Lazım olanlar:

• 1 ovuc təzə balqabaq tumu

•  1 stəkan su

Soyuq suya bir-neçə balqabaq tumu tökülür və zəif odun üstündə qaynamağa qoyulur. Su qaynadıqda yerdə qalan tumlar xırdalanır və qaynar suya salınır, 10-15 dəqiqə zəif odda qaynayır. Bu dəmləmədən hər gün içdikdə prostat vəzidəki iltihabi proses və onun əmələ gətirdiyi patologiyalar aradan qalxır.