Qidalanma balanslaşmış, sağlam olmalıdır.

Bunu həkim-pediatr Aytən İsmayılzadə Aztibb.az-ın uşaqların pandemiya ərəfəsində necə qidalanmaları ilə bağlı sualını cavablandırarkən deyib.

Həkim qeyd edib ki, şirniyyatdan maksimum imtina edilməli, mövsümi meyvə-tərəvəzə üstünlük verilməlidir:

"Uşaqların qida rasionunda şəkəri minimuma endirmək, şəkərli qidalar verməmək, çörək, makaron kimi karbohidratlı qidaları da azaltmaq lazımdır. Mövsümi, təzə meyvə-tərəvəzə üstünlük verilməlidir".

"Bundan əlavə rəngli, qazlı içkilərdən də uşaqlara qəti verməmək məsləhət görülür. Çünki bədən bu içkilərin tərkibindəki rəngverici, dadverici qatqılarla yanaşı, onların toksiki təsirinə də məruz qalır", - deyə A.İsmayılzadə vurğulayıb.