Helsinki Universitetinin mütəxəssisləri müəyyən ediblər ki, uşaqların immunitetinin gücləndirilməsinə meşələrdən gətirilmiş bitkilər yerləşdirilən oyun meydançaları kömək edə bilər.

Aztibb.az tass.ru-ya istinadla xəbər verir ki, şəhərlərin "steril" şəraitində böyümüş uşaqların oqanizmi toz, palçıq, bitkilərin tozcuğu kimi təbii amillərlə rastlaşmadığından zəif immun sisteminə malikdir. Helsinki Universitetinin alimlər qrupu uşaqların immun sistemi vəziyyətini tədqiq edərkən ölkənin bir neçə uşaq bağçasında oyunlar üçün asfaltlanmış meydançaların meşədən gətirilmiş cavan ağaclardan ibarət çəmənlik sahələri ilə əvəz edilməsindən sonra belə nəticəyə gəliblər. Tədqiqatın nəticələri ABŞ-ın "Science Advances" elmi jurnalında dərc edilib.

Asfaltın təbii materiallara əvəz edilməsindən sonra 28 gün ərzində alimlər 75 uşağın vəziyyətini müşahidə ediblər, onların immun sisteminin göstəricilərinə nəzarət ediblər.

Uşaq bağçasında standart şəraitdə müşahidə olunan nəzarət qrupu ilə müqayisədə, "meşə" qrupunda dəri mikrobioması göstəriciləri (insanın dərisinin faydalı və qeyri-normal mikroflorası nisbəti) üç dəfə yüksək olub. Həmçinin immunitetin (T-limfositlər və iltihabi proseslərə mane olan sitokinlər) möhkəmlənməsinə səbəb olan zülal və hüceyrələrdə müsbət irəliləyiş qeyd edilib.