Cənubi Koreya Əsas Elmlər İnstitutunun İdrak və Sosializm Mərkəzinin tədqiqatçıları iddia edirlər ki, KDS2010 adlı yeni dərman pəhriz məhdudiyyətləri olmadan arıqlamağa imkan verir. Bu kəşf qlobal piylənmə ilə mübarizədə mühüm rol oynaya bilər.

Aztibb.az-ın medimagazin.com.tr-yə istinadla xəbərinə görə, "Nature Metabolism" jurnalında dərc olunan məqalədə astrositlərin beyindəki roluna və qidalardan imtina etmədən arıqlamağın mümkünlüyünə diqqət yetirilir.

Tədqiqat qrupu qida qəbulu ilə beynin hipotalamusunun nəzarət etdiyi enerji balansı arasındakı mürəkkəb əlaqəni araşdırıb. Onların tədqiqatlarının diqqət mərkəzində xüsusi olaraq GABRA5 klasteri adlanan nörotransmitter GABA reseptoru ilə əlaqəli neyronların çoxluğu olub. Araşdırmaçılar bu neyronların yağ metabolizmasının tənzimlənməsində mühüm rol oynadığını aşkar ediblər.

GABRA5 neyronlarının aktivləşdirilməsi kök laboratoriya siçanlarında uğurlu çəki itkisinə gətirib çıxarıb və bu, neyronların metabolik keçid rolunu oynaya biləcəyinə əsas verib. Tədqiqatçılar, həmçinin astrositlərin - ulduz formalı, neyron olmayan hüceyrələr - bu neyronların fəaliyyətini tənzimlədiyini və beynin çəkiyə necə nəzarət etdiyini tapıblar.

Hazırda 1-ci faza klinik sınaqlarında olan yeni hazırlanmış KDS2010 dərmanı kök siçanlarda piy və çəki azaltmaqda əhəmiyyətli uğur nümayiş etdirib. Maraqlısı isə odur ki, kilo itkisi qida qəbuluna təsir etmədən əldə olunub.