Soyuqda saxlanılması tələb edilməyən, aşağı temperatur və ya rütubətdən xarab olan qidalar soyuducuda saxlanılmamalıdır.

Aztibb.az RİA-ya istinadən xəbər verir ki, bunu Finlandiya Ev Təsərrüfatı təşkilatının inkişaf direktoru Marttaliitto Emmy Tuovinen açıqlamasında deyib.

O, quru qidaların otaq temperaturunda nəmli qidaların isə soyuducuda saxlanılmalı olduğunu qeyd edib:

“Çörək, reyhan, bulyan dadlandırıcıları və ya açılmış qəhvə paketlərini soyuducuda saxlamayın, çünki digər qoxular bu məhsullara asanlıqla hopacaq. Bundan əlavə, şokoladı da soyuducuda saxlamayın, çünki dadı dəyişdirə bilər”.

Tuovinen bananların qaralmasına baxmayaraq, otaq temperaturunda saxlanılmalı olduğunu bildirib.

“Yumurta həm otaq temperaturunda, həm də soyuducuda saxlanıla bilər. Çörək bişirmək üçün istifadə olunacaq yumurtaların otaq temperaturunda saxlanılması məsləhətdir.

Qablaşdırılmış süd, xardal, ketçup, tomat pastası və souslar isə açılmadan əvvəl otaq temperaturunda, açıldıqdan sonra isə soyuducuda saxlanılmalıdır.

Bitki yağı kimi məhsulların saxlanılması üçün üçün ən yaxşı şərait bir az sərin, quru və qaranlıqdır, kolza yağı isə soyuducuda saxlanılmalıdır”, - deyə, mütəxəssis vurğulayıb.

Tuovinen əlavə edib ki, xiyar, pomidor, bolqar bibəri və kahı kimi tərəvəzlər ümumiyyətlə otaq temperaturunda və ya soyuducunun sərin hissəsində, şüyüd və yaşıl soğan isə soyuducuda saxlanılmalıdır.