Aztibb.az xəbər verir ki, Liv Bona Dea Hospitalının həkimi, tanınmış ürək-damar cərrahiyyə uzmanı Cabir Gülmalıyev bildirib ki, stress beyində amiqdala adlanan hissənin yüksək aktivliyi nəticəsində ortaya çıxır. Bu da özlüyündə insanlarda ürək xəstəlikləri və insult riskini artırır.

 

Uzman həkim qeyd edib ki, kişilər stresə daha meyilli olurlar, kişilərdəki testosteron hormonu ürək, qan-damar sisteminə ziyandır. Qadınlarda isə bu hormon əksinə, qan-damar xəstəliklərinin qarşısını alır. Qadınlarda klimaks dövründə estrogen maddəsi azaldıqca ürək xəstəlikləri başlayır.

 

"Ürəyin sağlamlığını qorumaq istəyən insan özünü stressdən, həyacandan qorumalıdır", - deyən Cabir Gülmalıyev kifayət qədər yuxu və istirahətin ürəyin sağlamlığı üçün vacib olduğunu bildirib. O, fiziki aktivliyin stressin ürəyə olan təsirini azaltdığını vurğulayıb.