TƏBİB-in tabeliyindəki Qazax Müalicə Diaqnostika Mərkəzinin həkim-terpevti Şahin Həsənov pnevmoniya və bronxit arasındakı əsas fərqləri açıqlayıb.

Aztibb.az xəbər verir ki, həkim bildirib ki, insanlar bu xəstəliklərə yoluxan zaman tez-tez öz-özünə müalicə olunmağı üstün tuturlar ki, bu da ciddi sağlamlıq fəsadları ilə nəticələnir. Xəstələr uzun müddət xəstəliyin öhdəsindən təkbaşına gələ biləcəkləri ümidi ilə həkimə müraciət etmirlər.

Terapevtin sözlərinə görə, bir çox xəstəliklər burun tutulması, burun axması, boğaz ağrısı və quru öskürək ilə başlayır. Əgər öskürək dominant təzahürə çevrilirsə, o zaman çox güman ki, insan kəskin bronxit yaranır. Və bu artıq ciddi xəstəlik hüsab olunur.
"Bronxit qızdırma, quru öskürək ilə başlayır sonra bəlğəm ifraz olunur. Bəlğəm qeyri-şəffaf ola bilər, ancaq rənginə görə onun bakteriya və ya virus olduğunu müəyyən etmək mümkün deyil, analiz tələb olunur", - deyə Şahin Həsənov vuğulayıb.

O, diqqəti əksər hallarda kəskin bronxitin virus xarakteri daşıdığına yönəldib. Bu o deməkdir ki, onu antibiotiklərlə müalicə etmək mümkün deyil. Həkimin sözlərinə görə, bronxitdən şübhələnirsinizsə, dəqiq diaqnoz qoymaq, diaqnoz və müalicə planını təyin etmək üçün mütləq bir terapevtlə əlaqə saxlamalısınız.
"Bronxitlə səhv salına bilən pnevmoniya da soyuqdəymə kimi başlayır. Ancaq bronxitdən fərqli olaraq, ölümcül təhlükə daşıyır. Bu xəstəliyə yalnız rentgen və ya KT müayinəsinin nəticələri, tibbi müayinə, bəlğəm və qan testlərinin nəticələri ilə diaqnoz qoyula bilər. Bilmək lazım olan ən vacib şey odur ki, pnevmoniya öz-özünə keçmir! Üstəlik, bu xəstəlik vaxtında və ciddi müalicə olmadıqda ölümcül olur", - pulmonoloq xəbərdarlıq edib.

Həkim iddia edib ki, sətəlcəm hallarının 30 faizinə qədərində diaqnoz qoyulmur və ya çox gec aşkarlanmır, çünki termometr 39 dərəcədən aşağı temperatur göstərirsə, insanlar həkimə müraciət etmirlər.