Payız-qış mövsümündə ən çox rast gəlinən problemlərdən biri də boğaz ağrısı, badamcıqların iltihabı-anginadır.

Aztibb.az boğaz ağrısına, iltihaba və anginaya qarşı ən təsirli təbii vasitələri təqdim edir.

Bir çox hallarda bu zaman həkimlər köməkçi müalicəvi vasitə kimi qarqara təyin edirlər. Qarqara çox sadə və eyni zamanda effektli prosedurdur. Belə ki, ağıza düzgün qulluq edilməsi, antiseptik ve antibakterial qarqaralar olduqca təsirli sayılır.

Süd və sarıkök də həmin bölgənin infeksiyadan təmizlənməsində mühüm rol oynayır. Sarımsağın isə antibiotik təsiri boğaz ağrısının tez bir zamanda aradan qalxmasına kömək edir.

Boğaz ağrısına qarşı iltihabın müalicəsində bitki çayları da müsbət təsir göstərir. Bunun üçün çobanyastığı, zəncəfil, evkalipt və adaçayını, eləcə də mixək dəmələməsini misal göstərmək olar.

Həmçinin toyuq şorbası, bal və sarımsaq qarışığı çox faydalıdır. Amma mütəxəssislər hesab edir ki, tez-tez boğaz ağrısı olarsa, ildə 5-6 dəfə angina yaranarsa, bu, evdə müalicə ilə keçən hal deyil, mütləq həkimə müraciət olunmalıdır.