Səhiyyə Nazirliyi Elmi-Tədqiqat Mamalıq və Ginekologiya İnstitutunda tibbi tullantılar düzgün idarəolunması, təsnifatı, müvəqqəti saxlanılma qaydası, utilizasiyası və s. mövzulara dair təlim keçirilib.

İnstitutdan Aztibb.az-a verilən xəbərə görə, müəssisənin baş həkimi Xuraman Bağırova və baş tibb bacısı Sədaqət Məlikovanın iştirakı ilə keçirilən seminarda müəssisənin şöbələrinin böyük tibb bacıları, təsərrüfat tibb bacıları iştirak ediblər.

Tədbirdə Sədaqət Məlikova “Tibbi tullantıların düzgün idarəolunmasına dair” mövzusunda təqdimatla çıxış edib.

Daha sonra iynə və kəsici alətlər üçün nəzərdə tutalan qutuların istifadə qaydası, tullantılar üçün istifadə olunan torbalar haqqında əyani məlumat verilib.

Tədbir iştirakçıları mövzu ilə bağlı ətraflı məlumatlandırıldıqdan sonra müzakirələr və sual-cavablar baş tutub.