Həkim bildirib ki, varikosele - xaya və toxum ciyəsi venalarının genişlənməsidir. Daha çox sol tərəfli görülür. Xaya və ətrafında olan ağrılar ilə özünü biruzə verə bilər. Kişi sonsuzluğunun əsas səbəblərindən biridir. Sperma parametrlərinə mənfi təsir göstərir və xaya ölçüsündə kiçilməyə səbəb ola bilər.

 

Fərid Mikayılovun sözlərinə görə, diaqnoz əl ilə müayinə və skrotal rəngli dopler USM ilə qoyulur. Dopler USM yardımıyla xayaların həcmi və venoz qanın geri qayıtması (reflüks) daha dəqiq dəyərləndirilir:

 

"Varikosele əgər sonsuzluğa, şiddətli ağrılara və ya xaya ölçüsündə kiçilməyə səbəb olursa müalicə edilməlidir. Müalicəsi isə cərrahidir. Genişlənmiş xaya və toxum ciyəsi venaları bağlanılır".

 

Məlumat üçün bildirək ki, Respublika Klinik Xəstəxanasında varikoselektomiya əməliyyatı icbari tibbi sığorta xətt ilə tam ödənişsiz icra edilməkdədir.