"İkinci tip şəkərli diabet orqanizmdə bir sıra mikrovaskulyar (damar) xəstəliklərə səbəb olur. Şəkərli diabet böyrək çatışmazlığı riskini artırır".

Bunu Azərbaycan Tibb Universiterinin (ATU) Tədris Cərrahiyyə Klinikasının Dializ şöbəsinin müdiri Barat Yusubov müsahibəsində bildirib.

Onun sözlərinə görə, böyrəklər orqanizmin vahid bir hissəsi olduğu üçün yayılmış mikrovaskulyar zədələnmələr böyrəklərdən də yan keçmir.

"Diabetə bağlı böyrək zədələnməsı ilkin dövrlərdə əlamətsiz keçir və biz həkimlər məhz bu dövrdə yaxalanan xəstəliyi tam geri qaytara bilirik. Buna görə də, şəkərli diabet olan hər bir kəs heç bir şikayəti olmasa belə müntəzəm müayinələrdən keçməlidir. Bu müayinələr zamanı şəkərli diabetdən dolayı zədələnə biləcək orqanlar (o cümlədən böyrəklər) daha diqqətli təqib edilməlidir", - deyə B.Yusubov bildirib.