8-9 iyul tarixlərində Tibbi Ərazi Bölmələrini İdarəetmə Birliyinin (TƏBİB) dəstəyi ilə Bayraktar Sağlamlıq Turizmi şirkəti tərəfindən “Ürək-damar xəstəliklərinin müasir aspektləri” mövzusunda elmi-praktik konfrans keçiriləcək.
TƏBİB-dən Aztibb.az-a bildirilib ki, tədbirin ikinci günü "Yeni Klinika"da baş tutacaq.
Müasir dövrdə ürək-damar xəstəliklərinin artması bu xəstəliklərin diaqnostika və müalicəsinə müasir yanaşmalar tələb edir. Konfransda ürək-damar xəstəliklərinin diaqnostika və müalicəsində təklif olunan yeni imkanlar və biliklər paylaşılacaq.
Tədbirin 2-ci günündə "Yeni Klinika"da baş tutacaq təlimlərdə türkiyəli həkimlər master-klaslar keçərək ürək-damar xəstəlikləri barədə həkimlərin suallarını cavablandıracaq və müasir yanaşmaları müzakirə edəcəklər.
Konfransda iştirak edən həkimlər üçün 13 akkreditasiya balı nəzərdə tutulub.
Qeyd edək ki, Bayraktar Sağlamlıq Turizmi Bayraktar Holdinq şirkətlərinə daxildir və Azərbaycan vətəndaşlarının Türkiyədə müayinə, müalicə və əməliyyatlarını həyata keçirir.
