Azərbaycanlı stomatoloq Almaniyada stomatoloji klinika açıb
02.07.2023 14:47

Almaniyanın Manhaym şəhərində azərbaycanlı stomatoloq, endodontiya, parodontologiya və implantologiya üzrə mütəxəssis Nəriman Cabbarlının "Denterra" stomatoloji klinikasının açılışı olub.

 

Aztibb.az xəbər verir ki, bu barədə Almaniyanın Bad Salzungen Xəstəxanasının Qulaq, burun, boğaz xəstəlikləri və üz plastik cərrahiyyə klinikasının şöbə müdiri Cavid Hüseynzadə sosial şəbəkədə məlumat paylaşıb.
 

Qeyd olunub ki, stomatoloji klinika OP-Mikroskop, CBCT rentgen (3 Dimenzional rentgen), lazer, scanner, PRF-membran əldə etmək üçün sentrifuq apparatı, şəxsi diş texniki laboratoriyası və digər müasir avadanlıqlarla təchiz olunub.

 

Klinika endodontiya, parodontologiya, implantologiya, CMD/Bruksizmus, invisalign, estetik stomatologiya, protetika üzrə pasiyentlərə xidmət təqdim edir.

 

Nərgiz Qəhramanova
Müəllifin digər yazıları