Almaniyada professor titulu alan yeganə azərbaycanlı həkim - Ramazan Cabbarlı
20.11.2021 19:31

Uzun illərdir Almaniyanın Essen Universitet xəstəxanasının Neyrocərrahiyyə klinikasında şöbə müdiri işləyən azərbaycanlı həkim Ramazan Cabbarlı  professor elmi adını alıb.

Aztibb.az xəbər verir ki, o, Almaniyada ən yüksək elmi dərəcə olan professor titulunu əldə edən yeganə azərbaycanlı həkimdir.

Qeyd edək ki, R.Cabbarlı 230-dan çox elmi məqalənin müəllifidir. Onun məqalələri "Stroke", "European Journal of Cancer", "European Journal of Neurology", "Cancers", "Journal of Neurosurgery" kimi nüfuzlu jurnallarda dərc olunub. Bir çox beynəlxalq konfranslarda referant kimi iştirak edən R.Cabbarlının adı Almaniyada neyrocərrahiyə üzrə elmi iş yazan həkimlər arası top 5-liyə daxildir.