Almaniyanın Düsseldorf Universiteti xəstəxanasında nüvə təbabəti sahəsində çalışan həmyerlimiz həkim Emil Novruzov bu yaxınlarda Kanadanın Vankuver şəhərində Nüvə Təbabəti Cəmiyyətinin təşkil etdiyi konfransda elmi işini təqdim edib.

 

Aztibb.az "FACHARZT" "Facebook" qrupuna istinadla xəbər verir ki, Emil Novruzov qeyd edib ki, elmi iş sidik kisəsi xərçənginin diaqnostikasında istifadə olunan, dünyada yeni olan tracer 68-Ga-FAPI-dən bəhs edir. Bu tracer dünyada ilk dəfə 8 sidik kisəsi xərçəngi diaqnozlu xəstədə tətbiq olunmuş və nəticədə onun yüksək diaqnostik potensialı aşkar edilmişdir.