D vitamini insan orqanizmi üçün zəruri olan əhəmiyyətli birləşmədir. O, sümükləri bərkidir və immuniteti dəstəkləyir.

Aztibb.az meddaily.ru-ya istinadla xəbər verir ki, yeni tədqiqata əsasən, bu vitaminin defisiti piylənmə riskini artırır. Bu halda, piy ehtiyatı və bədənin çəkisinin artması arasındakı metabolik balans pozulur.

Tədqiqat göstərib ki, D vitamini səviyyəsi və metabolik tarazlıq arasında əlaqə mövcuddur. Bu vitaminin defisiti olan şəxslərdə metabolik disbalansın əlaməti olan kardio-metabolik xəstəliklərə gətirib çıxara bilən triqliseridlərin və xolesterinin daha yüksək səviyyəsi təsbit edilir.

Tədqiqat zamanı D vitamininin defisitindən yaranan effekt Danio-rerio balıqları üzərində sınaqdan keçirilib. Tədqiqatda 3 qrup üzrə istifadə olunan balıqların birinci qrupu vitaminsiz əlavə, ikincisi D vitaminli əlavə qəbul edib. Üçüncü isə nəzarət qrupu rolunda çıxış edib. Dörd ay sonra boy, sümüklərin sıxlığı, triqliseridlərin səviyyəsi, xolesterin, D vitamini, əsas metabolik yollar, həmçinin boy stimullaşdırılması kimi göstəricilər tədqiqata cəlb olunub.

Vitamin D-nin defisiti olan balıqlar daha kiçik ölçüləri və böyük piy ehtiyatı ilə fərqləniblər.