Üşüyən ayaqlar ürək-damar və nevroloji xəstəliklərin göstəricisi ola bilər.
Aztibb.az ria.ru-ya istinadla xəbər verir ki, bu barədə Rusiyanın həkim-nevroloqu İrina Lyaskina bildirib.
"Bu simptom Reyno xəstəliyi, müxtəlif mənşəli polineyropatiya: şəkərli diabet, alkoqolun həddən artıq istifadəsi, qaraciyər və böyrəklərin xəstəlikləri ilə müşayiət olunan ağır metallarla xroniki intoksikasiyanın təzahürü ola bilər", - deyə İ.Lyaskina qeyd edib.
Profilaktika üçün mütəxəssis düzgün geyim və ayaqqabı seçməyi məsləhət görür: "Ayaqları sıxan ayaqqabı geyinməmək, süni materiallardan hazırlanmış ayaqqabılardan imtina etmək zəruridir. Həmçinin damar məşqləri etmək lazımdır: səhərlər kontrast duş və yatmazdan öncə dəniz duzlu ilıq vanna qəbul edilməlidir".
İ.Lyaskina rasiona zülallı qidalar əlavə etməyə, quş əti, paxlalı bitkilər, tərəvəz və meyvələrin istehlakını artırmağa, ilin soyuq dövrlərində polivitamin kompleksləri istifadə etməyə çağırır.
