Səhiyyə Nazirliyi İctimai Səhiyyə və İslahatlar Mərkəzi (İSİM) tərəfindən Bakıda 14 iyun – Ümumdünya Qan Donoru Gününə həsr edilmiş təşviqat aksiyası keçirilib.

 

Aztibb.az-a Nazirlikdən bildirilib ki, aksiya könüllü qan donorluğunu təbliğ və təşviq etmək, bu sahədə əhalini məlumatlandırmaq məqsədilə təşkil olunub.

 

İctimaiyyətin diqqətini təhlükəsiz qan və qan komponentlərinə olan tələbata cəlb edən aksiya iştirakçıları ilə maarifləndirici söhbət aparılıb, onları maraqlandıran suallar cavablandırılıb.

 

İştirakçılara İSİM tərəfindən hazırlanaraq nəşr edilən maarifləndirici buklet və flayerlər paylanılıb, onlara sağlamlığın qorunması istiqamətində faydalı tövsiyələr verilib.