Xərçəng xəstəliyi ilə mübarizədə faydalı olan məhsulların adları açıqlanıb.

Aztibb.az xarici KİV-lərə istinadən xəbər verir ki, araşdırmalara görə, yediyiniz qidalarla onkoloji xəstəliklərin qarşısını almaq mümkündür.

Almanın tərkibində olan polifenolun şişlərə qarşı qoruma xüsusiyyətləri mövcuddur. Bitki mənşəli bu maddə iltihabın, ürək-damar xəstəliklərinin və infeksiyaların qarşısını ala bilər.

Bundan başqa, zərərli hüceyrələrin böyüməsini azaldan və bağırsaq şişlərini məhv edən brokoli, gül kələmi və kələm də xərçəng əleyhinə güclü təsir göstərir. Sağlam qidaların siyahısına yerkökü də daxildir. Tərkibindəki beta-karoten immun sistemi üçün çox faydalıdır.

Balıq yağı və qoz-fındıq da onkoloji xəstəliklərin düşmənidir.

Paxlalar və təbii qəhvə qoruyucu funksiyalara malikdir. Həmçinin qəhvə orqanizmi qaraciyər xərçəngindən qoruyur.

Pomidor tərkibindəki yüksək antioksidantlara görə, sizi xərçəngdən sığortalaya bilər. Alimlər qaynadılmış pomidor məhsullarının prostat xərçənginin qarşısını almaqda effektiv olduğunu da açıqlayıblar.